+
Accede a tu cuenta

 

O accede con tus datos de Usuario Diario de León:

Recordarme

Puedes recuperar tu contraseña o registrarte

 
 

el molín del tiempu

Bárbara

 

roberto gonzález-quevedo
03/12/2017

Mañana celébrase’l día de Santa Bárbara (Bárbura, Bárbula), que yía fiesta en mui bien de pueblos por ser patrona de los mineiros, profesión que fuera mui abundante nos nuesos val.les hasta va poucu tiempu.

Hai muitas l.liendas sobre esta santa. Una d’el.las diz que Santa Bárbara yera una moza a la que’l sou padre zarrara nuna torre pa tenerla estremada de los males del mundu. Pero terminóu convirtiéndose al cristianismu ya, entós, el.la abríu na torre una tercera ventana, que representaba la Santísima Trinidá. La sua fidelidá al cristianismu l.levóula a la muerte: maltratánonla cruelmente ya al final el sou mesmu padre cortóu-l.ly la cabeza.

Al ser decapitada, un rayu terrible cayíu ya matóu al verdugu ya por eso se diz que yía patrona de los que tratan con esplosivos, como los mineiros. Sicasí, hai outras hestorias fantásticas pa xustificar esta cuestión.

Pero yá antias de la minería taba presente Santa Bárbara na mentalidá popular. Cuando sonaba la truena ya’l Rinubeiru movía los bolos no cielu, la nuesa xente alcordábase de Santa Bárbara (“… que no cielu tas escrita…”). Porque tamién valían las velas encesas o los palos del fornu en forma de cruz, pero l’alcordanza de la santa yera la forma más rápida de conxurar el peligru.

Outras tuenas acenan agora a la nuesa xente. ¿Será quien esta santa, na que tanto se confiaba, a espantar los males del presente? L.labor difícil: val más, entós, volver a la fórmula máxica.

Noticias relacionadas






Buscar tiempo en otra localidad