+
Accede a tu cuenta

 

O accede con tus datos de Usuario Diario de León:

Recordarme

Puedes recuperar tu contraseña o registrarte

 
 

el molín del tiempu

Grimm

 

roberto gonzález-quevedo
07/01/2018

«Blancanieves», «Hansel ya Gretel», «El nainu saltarín» ya muitos outros cuentos recochénonlos los harmanos Grimm ya gracias a el.los la nuesa imaxinación tien más l.libertá.

??Cumplíuse nesta primera semana del anu l’aniversariu 233 del nacimientu del alemán Jacob Grimm. Esti gran escritor, xunto al sou harmanu Wilhelm, recochíu muitos cuentos populares alemanes, fayéndonos más feliz la vida ya más entovía la de los nenos. Yera aquel.la época romántica que quería pañar l’espíritu del pueblu na tradición. Seya cuala fuera la causa, lo qu’agora nos importa yía que gracias a la sua pasión estos harmanos regalánonnos un bien cultural fantásticu.

Jacob foi tamién un gran l.lingüista ya descubríu l.leis fonéticas mui importantes pa esplicar la evolución de las l.linguas xermánicas dende l’indoeuropéu. Pero si la sua trascendencia científica foi grande, más repercusión social tuvienon los cuentos que pañóu ente la xente. A mi gústame muitu unu que se titula «La cabra ya las siete cabritinas», onde la cabra madre gana al l.lobu chenando de morrillos la sua barriga.

Esti ya outros cuentos de los Grimm paécense muitu a los que you escuitara de pequenu na mia casa. Porque dende Rusia hasta Portugal hai un mesmu chanteiru de tradición oral ya mientras que you sentí al l.lobu, a la raposa ya a la ougüecha razonar na nuesa l.lingua, la realidá yera qu’estos animales yeran pluril.lingües: n’outros sitios parl.laban bretón, occitanu, eslovenu, estoniu… Ya ¡qué bien sonaban siempres estos animales del monte!

   
Escribe tu comentario

Para escribir un comentario necesitas estar registrado.
Accede con tu cuenta o regístrate.

Recordarme

Si no tienes cuenta de Usuario registrado como Usuario de Diario de León

Si no recuerdas o has perdido tu contraseña pulsa aquí para solicitarla