+
Accede a tu cuenta

 

O accede con tus datos de Usuario Diario de León:

Recordarme

Puedes recuperar tu contraseña o registrarte

 
 

el molín del tiempu

El Ramu

 

roberto gonzález-quevedo
17/12/2017

El ramu, elementu mui interesante de rituales tradicionales na península ibérica, tuvo siempres especial importancia nas nuesas tierras. El ramu faise nun armazón de madera ya axéitase con flores, cintas, alimentos. Alcontramos distintas clases de ramos según la forma (piramidales, triangulares, circulares), los adornos ya’l momentu temporal (fiesta patronal, solsticios).

El ramu yía una representación vexetal ya pertenez a esa familia del árbol como recursu máxicu ya proteutor nas celebraciones festivas: chegóu a nós de fuera como árbol de navidá, pero nós yá lu teníamos muitu antias.

Yía cousa de mozas axeitar el ramu, xugando un papel importante na división del trabachu ritual en cuantas al xéneru. Ya outra observación: obedez a una representación d’identidá. El pueblu adensa no símbolu de la vida vexetal lo que xune a la xente.

El ramu resiste, pero la trasformación na visión de la fiesta ya nos roles de xéneru faen que vaya menguando. Por el.lo veio you con simpatía las revitalizaciones que se faen del ramu pol tiempu navidiegu.

De pequenu, cuando la salga, vi cómo chegaban a la ilesia los ramos de las distintas brañas del mieu pueblu pa celebrar el solsticiu de branu. Celebrábase la xuntura del pueblu, pero tamién outra más fuerte: la de las brañas. La mia familia yera de la Fontel.lada, outras del Campu o de la Degol.lada. Competíase a ver quién l.lograba más fecundidá ya riqueza cuando daba la vuelta’l sol, al que debemos la vida.

Noticias relacionadas

   
Escribe tu comentario

Para escribir un comentario necesitas estar registrado.
Accede con tu cuenta o regístrate.

Recordarme

Si no tienes cuenta de Usuario registrado como Usuario de Diario de León

Si no recuerdas o has perdido tu contraseña pulsa aquí para solicitarla