Diario de León

el molín del tiempu

Santa L.lucía

León

Creado:

Actualizado:

Güei, 13 de diciembre, yía’l día de Santa L.lucía. Ya, cuando chega Santa L.lucía, el rudenu d’esti molín suel quedar paráu un instante: yía un día significativu.

Pola mor d’esos trastornos de calandariu que seman la hestoria, na Edá Media creyíuse que’l solsticiu d’iviernu yera’l día 13 del mes cabeiru del anu. Esta yía la razón pola que los nuesos paisanos creen entovía que por Santa L.lucía “menguan las nueites ya crecen los días”, como diz el reflán qu’entovía cuerre polos nuesos pueblos.

Agora celebramos, nos países cristianos, el solsticiu pola Navidá, anque los astrónomos dicen que chega primeiro. You soi partidariu de la Navidá, la fiesta que la nuesa tradición convirtíu en celebración del ciclu social del anu.

Santa L.lucía chega anunciando que termina esti anu ya tenemos que preparanos pal que vien, que será igual de circular. El.la foi una santa importante. Antias de matala, los soldaos de Diocleciano sacánon-l.ly los güechos, pero siguíu viendo. Quisienon arrastrala, pero nun se movía. Echánonla nuna foguera, pero nun queimaba. Poucos anos más tarde, terminóu la persecución de los cristianos.

L.lucía, la que l.leva la l.luz, defiende a los enfermos de la vista. Na sua imaxe iconográfica suel haber, entre outras cousas, una palma, dous güechos nun platu ya un l.libru.

tracking