Inviernu

¿Namás hai fiestas pol branu? Non. Na nuesa sociedá tradicional, campesina ya ganadera, anque los días ya las nueites del iviernu yeran fríos, la diversión taba presente. Pol iviernu, entós, tamién había tiempu pa folgare.

??Especialmente importante yera la chegada del iviernu: ahí tenemos la Navidá, una fiestísima que celebremos va bien poucu tiempu. Las fiestas del entamu del iviernu siguían nos primeiros días del mes de xineiru. Ya estas celebraciones tenían dalgunos elementos tamién presentes n’outros sitios d’Europa.

Yera importante la mázcara (por eso tamién chaman a estas fiestas “mazcaradas d’iviernu”). Nun faltaba una vestimenta especial: colores mui pintos, chuecas ya esquilones, pelos de xabaril.

Conservóuse muitu bien el guirriu de Santa Olaja de Eslonza (na nuesa l.lingua, Santa Olaya ou Santa Olacha), onde la xente del pueblu ya folcloristas estudiosos revitalizan los ritos ya sacan tolos anos la mázcara ancestral. El guirriu bail.la, asusta a los nenos ya rebinca a las mozas.

Al amanecerín de Dios entama la fiesta del guirriu, que va acomodándose a los nuevos tiempos. La xente apurre cousas de comere: chocholate, toucín, chourizu… Ya al final faise una comida pa toul mundu, con chocolatada que significa participare del mesmu festín.

Ritos que vienen de tiempos mui viechos. Ritos pa marcar el pasu del tiempu, pa pidir curaciones ya esconxurar el mal. Ritos pa dioses derrotaos, pero ritos humanos. Conservándolos, podemos saber más de nós mesmos.