Dragones ya culuebros

Escuitéi a mia madre muitas veces contare la hestoria d’unos culuebros mui malos, que guardaban, nun pozu ou l.lagu, unos tesouros con ouru a esgaya. Tamién tenían presa a una moza mui guapa. La hestoria yía muitu interesante ya prestosísima pa escuitala, pero, por supuestu, yía tamién poucu orixinal. De Rusia a Portugal, ya probablemente n’outras zonas del mundu, hai cuentos ya mitos asemechaos a esta hestoria.

Como tamos saturaos de la cultura de l’anglosfera, si un nenu s’alcuerda d’una l.leenda de culuebros na l.laguna del sou pueblu, yía muitu probable qu’alcuentre la referencia fundamental en Nessy (ou Nessie), la famosísima culuebra fantástica del l.lagu Ness, protagonista de películas ya l.libros a esgaya. A mi ocourríuseme esta asociación cuando cuantayá, siendo estudiante, contempléi las auguas d’esi llagu Ness dende las ruinas del castiel.lu de’Urquhart, una estampa guapísima de la Escocia romántica. Pero, en realidá, Nessy yía simplemente una más de las variantes de culuebros ya dragones que na mentalidá popular despiertan las auguas que repousan ya duermen. Si Nessy aseguróu la sua biografía mediáticamente, outras figuras maraviosas van sumiéndose ya escaiciéndose al dir menguando la población de los val.les verdes onde alitan entovía auguas del pasáu.

Una hestoria interesantísima d’esta familia de tradiciones yía la que se cuenta del ‘Chau’ (l.lagu) de Montrondo, un pueblu omañés muitu guapu. Yía bien conocida esta hestoria en xeneral, pero you escuitéila por vez primera al mieu amigu l.lacianiegu Julio Álvarez, bril.lante escritor ya estudiosu de requexos máxicos. El l.lagu de Montrondo tien pechaáu, nas suas auguas misteriosas, el furmientu que val pa formar na mentalidá popular figuras míticas. Igual qu’aquel pozu ou l.lagu del que you escuitara la hestoria siendo nenu, el pozu de Montrondu vive nuna montaña alta, al pía del Tambarón, ya guarda alcordanzas de la cabera glaciación

Esta hestoria omañesa axunta muitos ingredientes del imaxinariu sobre culuebros ya dragones que viven nas auguas paradas. Afitándose no mitu básicu, tien aportaciones de fuerte sincretismu, cousa frecuente, con incrustaciones del mundu clásicu ya de la iconografía cristiana. Diz la tradición que naquel.las auguas frías vivía una bestia terrible que tolos anos, pol tiempu del Corpus, pidía a los vecinos de Montrondo una moza del pueblu en sacrificiu. Tocaba la vez a una moza rica, pero’l sou padre consiguíu que la sustituyera una moza probe. Sicasí, la moza probe ganóu, porque, gracias a la cruz del rosariu, la bestia samarguchóu ya nun volvíu a asomase enxamás.Escuitéi a mia madre muitas veces contare la hestoria d’unos culuebros mui malos, que guardaban, nun pozu ou l.lagu, unos tesouros con ouru a esgaya. Tamién tenían presa a una moza mui guapa. La hestoria yía muitu interesante ya prestosísima pa escuitala, pero, por supuestu, yía tamién poucu orixinal. De Rusia a Portugal, ya probablemente n’outras zonas del mundu, hai cuentos ya mitos asemechaos a esta hestoria.

Como tamos saturaos de la cultura de l’anglosfera, si un nenu s’alcuerda d’una l.leenda de culuebros na l.laguna del sou pueblu, yía muitu probable qu’alcuentre la referencia fundamental en Nessy (ou Nessie), la famosísima culuebra fantástica del l.lagu Ness, protagonista de películas ya l.libros a esgaya. A mi ocourríuseme esta asociación cuando cuantayá, siendo estudiante, contempléi las auguas d’esi llagu Ness dende las ruinas del castiel.lu de’Urquhart, una estampa guapísima de la Escocia romántica. Pero, en realidá, Nessy yía simplemente una más de las variantes de culuebros ya dragones que na mentalidá popular despiertan las auguas que repousan ya duermen. Si Nessy aseguróu la sua biografía mediáticamente, outras figuras maraviosas van sumiéndose ya escaiciéndose al dir menguando la población de los val.les verdes onde alitan entovía auguas del pasáu.

Una hestoria interesantísima d’esta familia de tradiciones yía la que se cuenta del ‘Chau’ (l.lagu) de Montrondo, un pueblu omañés muitu guapu. Yía bien conocida esta hestoria en xeneral, pero you escuitéila por vez primera al mieu amigu l.lacianiegu Julio Álvarez, bril.lante escritor ya estudiosu de requexos máxicos. El l.lagu de Montrondo tien pechaáu, nas suas auguas misteriosas, el furmientu que val pa formar na mentalidá popular figuras míticas. Igual qu’aquel pozu ou l.lagu del que you escuitara la hestoria siendo nenu, el pozu de Montrondu vive nuna montaña alta, al pía del Tambarón, ya guarda alcordanzas de la cabera glaciación

Esta hestoria omañesa axunta muitos ingredientes del imaxinariu sobre culuebros ya dragones que viven nas auguas paradas. Afitándose no mitu básicu, tien aportaciones de fuerte sincretismu, cousa frecuente, con incrustaciones del mundu clásicu ya de la iconografía cristiana. Diz la tradición que naquel.las auguas frías vivía una bestia terrible que tolos anos, pol tiempu del Corpus, pidía a los vecinos de Montrondo una moza del pueblu en sacrificiu. Tocaba la vez a una moza rica, pero’l sou padre consiguíu que la sustituyera una moza probe. Sicasí, la moza probe ganóu, porque, gracias a la cruz del rosariu, la bestia samarguchóu ya nun volvíu a asomase enxamás.